எண்ணம் போல் வாழ்க்கை | Health and positivity (in TAMIL)

உடல் ஆரோக்கியத்தில் நேர்மறை எண்ணத்தின் பங்கு:

பல இடங்களில் நிறைய சந்தர்ப்பங்களில் எண்ணம் போல் வாழ்க்கை  என்ற   ஒரு வாக்கியத்தை கேள்வி பட்டு இருப்பீர்கள், அது வெறும் வாய் பேச்சிற்காக கூறப்பட்ட ஒன்று இல்லை , உண்மையிலேயே நம் உடல் நலத்திற்கும் நம் எண்ணத்திற்கும் நிறைய தொடர்பு உள்ளது. நம் மனித இனமே உண்மையில் ஒருவருக்கொருவர் உதவி புரிந்து விட்டுக்கொடுத்து மகிழ்ச்சியாகவே வாழ வேண்டும் என்ற அமைப்புடன் படைக்கப்பட்டவர்கள், ஏன் உலகில் உள்ள அணைத்து உயிரினங்கள் இந்த நோக்கத்துடன் படைக்கப்பட்டவையே.

                                  

இதே நேரம் மனிதன் பல எதிர்மறை சிந்தனைகளான பழிவாங்கும் எண்ணம், பொறாமை என பலவற்றால் திசை மாறி பல விதங்களில் தனக்கே தெரியாமல் சொந்தமாகவே தனக்கு தானே நோயை ஏற்படுத்திக் கொள்கிறார்கள்.


                                  

நீங்கள் ஒன்றை உற்று கவனித்திருக்கிறீர்களா, விலங்குகளுக்கோ தாவர செடி கொடிகளுக்கோ,நோய்த்தொற்று அல்லது அடிபட்டோ நோய் ஏற்பட்டிருக்கும்.

மன அழுத்த நோய் என ஒன்று இருக்காது ஏன் என்றால் காலம் பல கடந்தாலும்அவை தங்களுக்கான நெறி , படைக்கப்பட்ட குறிக்கோளை விட்டு பிளறுவது   இல்லை. இது இவற்றை மனதளவில் குற்றவுணர்வின்றி நிம்மதியாக   வைத்துள்ளது.

நமது ஒவ்வொரு மரபணுவிலும் அன்பு, உதவும் குணம், விட்டுக்கொடுக்கும் தன்மை என நமது ஆதி கால முன்னோர்களால் ஆழமான பதிவு ஏற்படுத்தப்பட்டு உள்ளது. ஆனால் காலப்போக்கில் உலகமும் பண்பாடும் பழக்கவழக்கமும் மாற மாற மனிதன் அவனுக்கே தெரியாமல் போட்டி போடுகிறான். இது அவனுக்கே தெரியாமல் அவனுக்குள் பொறாமை குணத்தை ஏற்படுத்தி ஒருவருக்கொருவர் விட்டுக்கொடுக்கும் மனப்பான்மையை அடியோடு அளிக்கிறது. என்னதான் ஒருவன் போட்டி போட்டு, விட்டுக்கொடுக்காமல், சூழ்ச்சி செய்து வென்றாலும் அந்த வெற்றியின் மகிழ்ச்சி சில காலம் தான். காலம் அவன் தவறை அவனுக்கு உணர்த்த தவறுவது இல்லை .

மரபணுவில் உள்ள ஆழமான பதிவிற்கு எதிர்மறையாக செயல்படும் போது அவனது உடலில் உள்ள ஒவ்வொரு செல்களும் குழப்பமடைகின்றன . இது நமது செல்களை அதன் பணியை செம்மையாக செய்ய தடுக்கிறது , விளைவு பல விதமான நோய்களால் மனிதன் அவதியுறுகிறான். செல் என்பது நமது உடலின் கட்டமைப்பில் செங்கல் போன்றது எனவே செல்களை மகிழ்ச்சியாக ஆரோகியமாக வைத்துக்கொள்ள நேர்மறை சிந்தனைகளால் நம் மனதை நிரப்புவோம் , நோயற்ற நிம்மதியான , ஆரோக்கியமான வாழ்வை வாழுவோம்.